طبعا انتو عارفين ان الافتتاحية هي جزء مهم جدا في خدمة مدارس الاحد

و انا عندي شوية افكار اخدتها من احد الخدام و يا رب تعجبكوا

فمن الممكن نعمل كذا فقرة في الافتتاحية و نغير في الفقرات كل مرة علشان الاولاد ما يملوش

و من الفقرات المقترحة

1- تقديم فيلم كرتونى قصير في بداية الافتتاحية لجذب الاولاد

2- ممكن نحفظ ترنيمة قصيرة بالحركات

3- ممكن نطلع مجموعة من الاولاد يقولوا ترنيمة

4- ممكن نعمل فقرة فوازير و مسابقات عليها جوايز

5- ممكن نعمل مسرح عرائس للاولاد

6- ممكن نخلى احد الاولاد يقوم بدور مذيع و يتحاور مع احد الخدام على انه احد شخصيات الكتاب المقدس و يحاول يتعرف على الشخصية دي

7- ممكن نخلى الاولاد يعملوا اسكتش صغير


مستنى رايكم و اقتراحتكم في فقرات الافتتاحية يا ريت كل واحد يكتب فقرات الافتتاحية الميزة في كنيسته

و اشكركم على اطلاعكم على الموضوع المتواضع ده