منتدي مدارس الاحد هو منتدي خدمي يقدم مساعدة لاتمام الخدمات داخل الكنيسة و بلاخص للتربية الكنسية و كافة انشطتها من مسرح - كورال - وسائل ايضاح - افكار تفيد الخدمة - طقس و عقيدة بشكل مبسط- لاهوتيات - و الكثير من الانشطة الاخرى
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 تعليم الأيمان الأرثوذكسي عند الأطفال

اذهب الى الأسفل 
كاتب الموضوعرسالة
RORO

avatar

عدد المساهمات : 31
تاريخ التسجيل : 20/08/2008
العمر : 35

مُساهمةموضوع: تعليم الأيمان الأرثوذكسي عند الأطفال   الثلاثاء أغسطس 26, 2008 6:42 am

كتاب لية احنا مسيحيين
اعداد نصرى مترى
سؤال وجواب مع الملايكة الصغار

س1 : يعنى اية مسيحيين؟
لما نقرا فى الانجيل نعرف ان يسوع المسيح كان بيعلم الناس عن ملكوت السموات والناس اللى حبت تعليمة وسمعت كلامة وامنوا بية كانوا يقعدوا حوالية وهو بيعلمهم الايمان السليم وكانوا بيقولوا لية يا معلم يعنى يا مدرس وعلشان كدة الناس اعتبروهم انهم بقوا تلاميذ لة وبعد ما يسوع المسيح صعد الى السما كل الناس الى امنت بية بقى اسمهم تلاميذ لغاية ما الناس الى فى انطاكية سموا كل اللى يأمنوا بالسيد المسيح يبقى اسمهم مسيحيين
س2 : طيب ازاى بقينا مسيحيين؟
كلنا كلنا اتولدنا نونو صغير من ماما وبابا المسيحيين وبعدين واحنا صغيرين بابا وماما اخدونا للكنيسة وابونا القسيس ومعاة شماس صلوا على مية المعمودية وبعدين ابونا غطسنا فى الميةاللى صلوا عليها تلات مرات بأسم الاب والابن والروح القدس وبعدين حل علينا الروح القدس لما ابونا رشمنا بالزيت الميرون المقدس ومن اليوم دة احنا بقينا تلاميذ يسوع المسيح وهياكة المقدسة وروح ربنا فينا
س3 : طيب ازاى النونو الصغير يبقى تلميذ الرب يسوع وهو مابيعرفش يتكلم الانجيل؟
بيقولنا انة حتى النونو الصغير بيسبح ربنا بس احنا مش فاهمين النونو لما بيفرح ويطلع اصوات الفرح الحلوة الى بنسميها نغنغة فى الحقيقة انة ممكن يكون بيسبح ربنا مع الملايكة ولما بيكبر ويتعلم الكتابة والقراءة بيعرف يقرأ الانجيل ويبقى تلميذ يسوع
س4 : طيب هو لية ربنا خلق الدنيا وخلقنا؟
من شدة محبة ربنا لينا خلق كل حاجة فى السما وعلى الارض فى ست ايام وبعدين خلقنا فى اخر يوم وبعدين استريح فى اليوم السابع

س5 : طيب يا ترى ربنا خلق اية فى اول يوم ؟
ربنا خلق النور
س6 : طيب والتانى
ربنا خلق السما والمية وفى اليوم التالت خلق الارض وكل الزرع والاشجار وفى اليوم الرابع خلق الشمس والقمر وكل النجوم وفى الخامس خلق كل الطيور والسمك وفى السادس خلق كل الحيوانات وبعدين ابونا ادم وامنا حواء

س7 : طيب ازاى ربنا خلق ابونا ادم وامنا حواء
ربنا اخد حتة طين من الارض ونفخ فيها وخلق ابونا ادم وبعدين قال اخلق لة زوجة علشان تونسة زى بقيت المخلوقات ومايبقاش لوحدة ويخلفوا صبيان وبنات ويعيشوا تحت رعايتى فرحانين بنعمتى عليهم وفى يوم خلا ابونا ادم نايم واخد منة ضلع من صدرة من غير ما يحس وخلق لية امنا حواء وابونا ادم صحة من النوم لقاها ففرح جدا

س8:ياترى كانوا عايشين ازاى
احيانا احنا بنفتكر ان ابونا ادم كان عايش اخر كسل فى الدنيا وهو عايش فى الجنة وان الحيوانات والطيور كانت بتخدمة وتجيب الاكل لغاية عندة . لاء غلط لان ربنا يوم ماخلق ابونا ادم ادالة وصية مهمة جدا عارفين هى اية ربنا قال لابونا ادم انت تحافظ على الجنة وتشتغل فيها.
وكان فى وسط الجنة شجرتين واحدة اسمها شجرة الحياة والتانية اسمها شجرة معرفة الخير ةالشر وربنا قال لابونا ادم من جميع شجر الجنة تأكل اكلا واما شجرة معرفة الخير والشر فلا تأكل منها
خلوا بالكم من وصية ربنا لان معناها ان ابونا ادم كان فلاح كويس يصحى من النوم يصلى ويشكر ربنا على النعمة اللى هو عايش فيها وبعدين ينزل يروح الشغل يوضب الجنة وينضفها ويقطع الاكل الى كان هياكلوا وطبعا امنا حواء كانت بتساعدة فى كل دة \

س9 :يعنى على كدة ابونا ادم وامنا حوا كانوا بيتعبوا قوى
فى الحقيقة ابونا ادم وامنا حوا كانوا بيشتغلوا كتييير لكن ماكنوش بيتعبوا عارفين لية لانهم كانوا عايشين مع ربنا دايما يصلوا ويشكروا ربنا ويكلموة ويسبحوة وهما ماشيين فى السكة وهما بيشتغلوا فى الارض وهما بيتشعبطوا على الشجر علشان يقطعوا الفواكة كانوا فرحانين قوى بالنعمة العظيمة انهم وهما مخلوقينبيتكلموا مع ربنا وان ربنا معاهم باستمرار وفى الشغل كانوا مطيعين قوى لربنا لانهم كانوا بيتعلموا من ربنا يعملوا اية فى الارض وكل الحيوانات والطيور كانت بتحبهم وتسمع كلامهم
س10: طيب ازاى نحس ان ربنا معانا
زى ما قلنا اللة محبة والى يحب ربنا قوى يلاقى نفسة فرحان قوى وما فيش حاجة تزعلة اول حاجةنتعلمها اننا مدام بنحب ربنا قوى يبقى دايما نصلى لربنا وديما نشكرة ونطلب انة يكون معانا واحنا فى البيت واحنا خارجيين رايحين اى مكان يعنى واحنا رايحين الكنيسة واحنا رايحين المدرسة نطلب ونقول يارب احنا بنحبك قوى خليك معانا فى اى مكان واحفظنا من الشرير يارب ابعت الملايكة علشان تحرسنا ونعيش فى سلام مع كل الناس
منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يسوع يحبنى



عدد المساهمات : 1
تاريخ التسجيل : 24/05/2009

مُساهمةموضوع: رد: تعليم الأيمان الأرثوذكسي عند الأطفال   الخميس يونيو 04, 2009 7:17 pm

عرض رائع ربنا يعوض تعب محبتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مارى بنت ملك



عدد المساهمات : 4
تاريخ التسجيل : 19/05/2011

مُساهمةموضوع: رد: تعليم الأيمان الأرثوذكسي عند الأطفال   الأربعاء مايو 25, 2011 7:50 am

ميرسى كتير ربنا يباركك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعليم الأيمان الأرثوذكسي عند الأطفال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Madares-Ela7d  :: الفئة الأولى :: مراحل ( ابتدائي - اعدادي - ثانوي - جامعة ) :: ابتدائي-
انتقل الى: